Li Şengalê 15’ê Tebaxê bi girseyî hate pîrozkirin
15’ê Tebaxê li Çiyayê Şengalê bi merasîmeke girseyî hate pîrozkirin.
15’ê Tebaxê li Çiyayê Şengalê bi merasîmeke girseyî hate pîrozkirin.
Di merasîmê de fermandarê qada Şengalê yê HPG’ê Egîd Kelar axivî û got, “Gelê Kurd bi 15’ê Tebaxê bersiveke dîrokî da dagirkeran.”
Pêngava 15’ê Tebaxê di salvegera 33’emîn de li Şengalê bi tevlêbûna gerîla, şervan û gel hate pîrozkirin.
Di merasîmê de fermandarê qada Şengalê yê HPG’ê Egîd Kelar axivî û got, “ 15’ê Tebaxê di dîroka gelê me de xwediyê cihekî girîng û pîroz e. 15’ê Tebaxê diyar kiriye ku gelê me dikare li hemberî dagirkeran têbikoşin û serfiraz bibin.”
Kelar axaftina xwe wisa domand, “Li hemberî vê pêngavê dijmin nizanibû wê çi bike. Serokwezîrê wê demê digot ‘Di 24 saetan de, em ê wan tasfiye bikin’. Lê wan bi raza vê berxwedanê nizanibûn. Lê berxwedana gerîlayan heta îroj hat û gelê Kurd derbên giran li dijminan xist.”
Di merasîmê de berdevkê YBŞ’ê Saît Hasan Sîba jî axivî û got, “Em qehremanên li Sîba, Til Ezer û Koço jiyana xwe ji dest dane, li vê derê bi bîr tînin. Heke îro Êzidî dikarin li vê derê kom bibin, encama 15’ê Tebaxê ye. Bi saya heval Egîd û rêhevalên wî, em gihiştine îro.”
Pîrozbahî bi muzîka komên ji Şengal û Rojava û bi çalakiyên çandî yên gerîlayan domiya.