Cenazeyên gerîlayê HPG’ê Newroz Guvercîn (Çekdar Sinan), şervanên YBŞ’ê Elyas Xelef Îsa Xidir (Çiya Zerdeşt), Zuleyha Sarialtun (Tekoşîn Serhed), Xidir Meto Quto (Şoreş Sîba) û Feysel Xelef Nepsa Dirbo (Arif Tilqesep), endamê Asayîşa Êzdîxanê Selam Elî Mixebir (Amed Şengalî), ji gundê Xelef derxistin rê. 

Cenazeyên 6 têkoşeran di van kêliyan de ji gundê Xelef ê Xanesorê hatin wergirtin û bi karwanek wesayîtan ber bi Çiyayê Şengalê ve derxistin rê. Di nava vê konvoyê de rêveber û nûnerên saziyên Şengalê jî cihê xwe girtin. Her wiha alên YBŞ/YJŞ, wêneyên şehîdan hatin vekirin. Cenaze wê li gorî wecîbeyên olî destpêkê bibin malbatan û piştre jî li Goristana Pakrewanan a Şehîd Berxwedan û Şehîd Dilgeş a li Çiyayê Şengalê bên veşartin.