Kongreya Civaka Demokratîk (KCD) bi wesîleya sersalê peyamek weşand û got, "Li erdnîgariya Kurdistan û Rojhilata Navîn a ku ruhê dem û dîrokê lê tê jiyîn, em di pêvajoyeke ku çarenûsa sedsalan diyar dike de derbas dibin.

Mirovahî; şahîdiya li hemberî şerê parvekirinê ya 3'yemîn a hêzên netewe-dewlet, statukoparêz û hegemonîk ên cîhanê bi heybetî li ber xwe didin, dike. Rojhilata Navîn cihekî girîng û xwedî roleke diyarker e, gelên Kurdistanê û kurd bi têkoşîna xwe ya demokrasî û azadiyê çarenûsa wê diyar dike."

Di peyama KCD'ê de hat ragihandin, hêzên demokratîk û azadiyê yên Kurdistan û Tirkiyeyê hem di aliyê siyasî de û hem jî di aliyê qirkirina fîzîkî de tên ceribandin û hat gotin, "Bi destketiyên bi berdêlên mezin yên wekî siyasî, exlaqî, çandî, sazîbûnî û hemû qadan bi dest xistine, di nava pençê 'darbeya mekanîk' de ne û bi qirkirin û dagirkeriyê re rû bi rû ye."

KCD'ê da xuyakirin, ku ev pêvajo di 5'ê Nîsanê de bi girakirina tecrîda li ser Rêberê Gelê Kurd Abdullah Ocalan dest pê kiriye û gihîştiye asta ku gelên Kurdistan û Tirkiyeyê înkar bikin û bi polîtîkayên tundiyê dengê muxalefeta demokratîk qut bikin."

Di dewama peyama KCD'ê de hat gotin, "Dewleta AKP'ê bi MHP'ê re li hev kiriye, eniya faşîst ava kirin û bi vê eniyê re Tirkiye di aliyê siyasî û aborî de ji dinyayê tecrît kirine.

Di vê pêvajoya dîrokî de, ku çarenûsa gelan lê diyar dibe, ji bo gelê Kurd mijara herî jiyanî û girîng avakirina yekîtiyê ye. Ev yek careke din bi me da nîşandan ku bê avakirina yekîtiya kurdan a di vê pêvajoyê de çiqasî jiyanî û girîng e. Li ser vê bingehê hêvî û bawariya me ew e ku sala 2017'an di aliyê gelê Kurd de avakirina yekîtiya neteweyî gelekî girîng e û Kongreya Neteweyî ya ku ev demeke di rojeva kurdan de ye pêk were.

Wekî Kongreya Civaka Demokratîk (KCD) sala 2017'an di serî de li Kurdistanê, Tirkiye û Rojhilata Navîn aştiyê bi xwe re bîne. Bi baweriya ku sala nû gelên berxwedêr bi têkoşîna xwe bi ser bikevin û bibe sala aştî, azadî û serketinê."