Karê îfadeya rojnamevanan bi dawî bû
20 jê rojnamevan 22 kesên di çarçoveya lêpirsîna Serdozgeriya Komarê ya Amedê de hatibûn destgîrkirin, di îfadeya xwe ya li midûriyeta polîsan de mafê xwe yê bersivnedanê bi kar anîn.
Di 8'ê Hezîranê de di çarçoveya lêpirsîneke Serdozgeriya Komarê ya Amedê de Hevserokê Komeleya Rojnamevanan a Dîcle Firatê (DFG) Serdar Altan, Midûrê Karê Nivîsan a Rojnameya Xwebûnê Mehmet Alî Ertaş, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç, rojnamevan Omer Çelîk, Sûat Dogûhan, Ramazan Gecîken, Esmer Tûnç, Neşe Toprak, Zeynel Abîdîn Bûlût, Mazlûm Dogan Guler, Mehmet Şahîn, Elîf Ungur, Îbrahîm Koyûncû, Remziye Temel, Mehmet Yalçin, Abdûrrahman Oncu, Lezgîn Akdenîz û Kadîr Bayram û Feynaz Koçûk û Îhsan Ergulen hatibûn desgîrkirin.
Piştî 7 rojan îro li midûriyeta polîsan îfadeya rojnamevanan hat girtin. Hemû kesên destgîrkirî di îfadeya xwe ya li midûriyeta polîsan de mafê xwe yê bersivnedanê bi kar anîn.
