Jin ji bo Leyla Guven ber bi girtîhehê ve meşiyan
Komek ji jinan ji bo destekê bidin Leyla Guven ber bi Girtîgeha Girtî ya Tîpa E ya Amedê ve meşiyan. Lê belê polîsên Tirk êrîşî jinan kirin. Ji jinên berxwedêr 20 kes hatin destgîrkirin.
Komek ji jinan ji bo destekê bidin Leyla Guven ber bi Girtîgeha Girtî ya Tîpa E ya Amedê ve meşiyan. Lê belê polîsên Tirk êrîşî jinan kirin. Ji jinên berxwedêr 20 kes hatin destgîrkirin.
Hevseroka KCD'ê û Parlamentera HDP'ê ya Colemêrgê Leyla Guven 74 roj in ji bo bidawîbûna tecrîdkirina Rêberê Gelê Kurd Abdullah Ocalan di greva birçîbûnê de ye. Jinan xwestin destekê bidin Leyla Guven û bi vê armancê li ber Girtîgeha Girtî ya Tîpa E ya Amedê li hev civiyan. Endamên Komeleya Jinan a Roza, Platforma Jinan a Amedê ya Dîcle û Parlamentera HDP'ê ya Amedê Remziye Tosûn jî di nav de gelek jin li hev kom bûn û dirûşmên "Leyla Guven rûmeta me ye" qîriyan. Polîsên Tirk dor li jinan girtin û jinan xwestin dengê xwe bigihînin Leyla Guven.
Polîsan piştre êrîşî jinan kirin û Seroka Komeleya Jinan a Roza Adalet Kaya, Berdevka Demkî ya Platforma Jinan a Amedê ya Dîcle Bahar Karakaş Ûlû bi erdê re kişandin û lê dan. Her wiha heqaret li Parlamentera HDP'ê Remziye Tosûn kirin û li wê dan.
Jinan nerazîbûn nîşanî êrîşa polîsan dan û dirûşma "Bijî berxwedana zindanan" qîriyan. Li dijî êrîşa polîsan a bi ava şid û gaza îsotê, jinan demeke dirêj li ber girtîgehê li ber xwe dan.
Hate ragihandin, 20 jin hatine destgîrkirin. Ji jinên hatin destgîrkirin navê yên hatin hînbûn wiha ne: Seroka Komeleya Jinan a Roza Adalet Kaya, Berdevka Demkî ya Platforma Jinan a Amedê ya Dîcle Bahar Karakaş Ûlû, Ceylan Aslan, Gonul Adibellî û şêwirmedan Remziye Tosûn Gûrbet Ozer.