Ji bo gerîlayê HPG’ê Newroz Guvercîn (Çekdar Sinan), şervanên YBŞ’ê Elyas Xelef Îsa Xidir (Çiya Zerdeşt), Zuleyha Sarialtun (Tekoşîn Serhed), Xidir Meto Quto (Şoreş Sîba) û Feysel Xelef Nepsa Dirbo (Arif Tilqesep), endamê Asayîşa Êzdîxanê Selam Elî Mixebir (Amed Şengalî) li herêma Serdeştê ya li Çiyayê Şengalê, li gundên Dugurê û Hirko yên bajarokê Sinûnê û li navenda Sinûnê konên sersaxiyê hatin vedan. 

Di konan de wêneyên şehîdên Şengalê û alên YBŞ/YJŞ’ê hatin daliqandin. Ji danê sibehê ve bi sedan welatî çûn serdana konan û ji malbatan sersaxî xwestin. Li bin konan bênavber dirûşmeyên 'Şehîd namirin', 'Bijî Serok Apo' hatin berzkirin. 

Serdanên sersaxiyê didomin.