Li gorî nûçeya Ajansa Nûçeyan a Mezopotamyayê, dewleta Tirk ji bo operasyoneke nû ya li ser herêmên Zap, Metîna û Avaşînê amadekariyan dewam dike.

Ji bo operasyona dagirker a ku wê hevkariya PDK’ê were kirin bi rojan e wesayîtên zirxî û leşker sewqî gundên Çelê ya Colemêrgê tê kirin. Ev wesayît û leşker li ser xeta sînor hatine bicihkirin.

Duh şev piştî tevgereke zêde ya leşkerî ya li ser sînor helîkopterên ji Zawîte, Aşût, Gêman û ji Elemûna Qilebana Şirnexê û ji herêma Kotra ya di navbera Şirnex û Colemêrgê ber bi Herêma Kurdistanê ya Federe ve çûn.

Hate diyarkirin leşkerên ku bi helîkopteran hatine veguheztin li wî aliyê sînor li baregehên Gundê Bêdûhê û Orê hatine bicihkirin.

Tevgera leşkerî ya li herêmê didome.