Di 11'ê Mijdara 2017'an de Şaredariya Binarê Qendîlê civata xwe ya 5'an pêk anî.  Civata Giştî bi beşdariya 91 delegeyan, ku 20 jê jin bûn, pêk hat. Di civatê de hevşaredarên nû û rêveberiya şaredariyê hatin hilbijartin.

Gulale Osman û Muhammed Abdullah bûn hevşaredarên nû û rêveberiyek ji 7 kesan, ku 2 ji wan jin e, hate hilbijartin.

Hevseroka nû Gulale Osman got, ew ê hewl bidin ku li gorî pêşniyar û nerîna gel kar û xebatên xwe bikin. Osman diyar kir ku modela hevseroktiyê ji bo Başûrê Kurdistanê tecrûbeyeke nû ye û got, di dema rêveberiya xwe de ew ê jinan bikin navenda karê xwe.

Hevseroka Osman diyar kir ku zext û zordariyeke zêde li ser jinên Başûrê Kurdistanê heye û bal kişande ser pêşketina jinên Kurd ên di nav tevgera azadiya Kurd de. Osman got, "Jinên Kurdistanê pir lehengî kirine û jinên di nava Tevgera Azadiya Kurdistanê, di nav PKK’ê de bi têkoşîn û lehengiya xwe ji bo hemû jinên cîhanê bûne mînak."

Osman diyar kir ku ev qehremeniya jinên Kurd ji hêla hemû cîhanê ve hatiye dîtin û ew ê jî hewl bidin ku di rêça jinên Kurd ên qehreman de biçin.

Osman herî dawî bang li hemû jinan kir ku xwe tevlî nav kar bikin..

Amîne Ehmed a di navbera salên 2015 û 2017’an de Hevserokatiya Binarê Qendîlê kir.