Navenda Ragihandin û Çapemeniyê ya HPG’ê ragihand ku gerîlayan bi bombeyên destan û çekên ferdî li dagirkerên ku dixwestin li Werxelê ya girêdayî herêma Avaşînê bi pêşve biçin xistine. Di encamê de 12 dagirker hatine cezakirin.
Êrîşa dagirkeriyê ya artêşa Tirk ya li hemberî Herêmên Parastinê yên Medyayê dayî destpêkirin didome.
Gerîlayên HPG/YJA Starê bi çalakiyên xurt bersiva êrîşan didin. Dagirkerên li Werxelê ku dixwestin bi pêşve biçin bûn armanca çalakiya gerîlayan. Li wir 12 dagirker hatin cezakirin.
Daxuyaniya Navenda Ragihandin û Çapemeniyê ya Hêzên Parastina Gel (HPG) wiha ye:
“18’ê Nîsanê di Saet 09:40’an de hêzên me bi bombeyên destan û çekên ferdî li dagirkerên ku xwestin li qada Werxelê ya herêma Avaşînê bi pêş ve biçin xistin. Di encama çalakiya hêzên me de 12 dagirker hatin cezakirin.”
