Daxuyanî li ser malpera înternetê ya navendê hate weşandin û ev agahî hatin dayin:

"Roja 27'ê Nîsanê, li qada Kato Xelîla ya se bi navçeya Şax a Wanê artêşa TC a dagirker derket operasyonê. 28'ê Nîsanê di navbera hêzên me û leşkerên dijmin de şerekî giran qewimî bû. Artêşa TC a dagirker, ku nekarî ji erdê ve derbê li hêzên me bixe, hemû exlaqên şer careke din binpê kir û bombeyên bi madeyên kîmyewî li ser hêzên me barand. Di vê bomberdûmanê de 4 lehengên Kurdsitanê tevlî karwanê şehîdan bûn.

Hevrêyên me Canfeda, Cîlo, Ferman û Têkoşer rahiştin hêviya gel û bi rê ketin. Bi bîr û baweriyeke mezin têkoşiyan. Bi têgihiştina 'ji bo azadiyê berdêl, ji bo berdêlê jî fedakarî divê' şer kirin. Em van her çar hevrêyên xwe yên milîtan bi bîr tînin û dibêjin, em ê ruhê mezin ê di dilê wan de, timî bidin jiyîn."

Li gorî daxuyaniyê nasnameya 4 şehîdan wiha ye:

Nasnav: Canfeda Dêrik Nav paşnav: Îslam Kûtlar Cihê jidayikbûnê: Mêrdîn Dayik-Bav: - Dem û cihê şehadetê: 28'ê Nîsana 2017 / Wan

Nasnav: Cîlo Rojava Nav paşnav: Senar Tekbûdak Cihê jidayikbûnê: Wan Dayik-Bav: Besna-Marûf Dem û cihê şehadetê: 28'ê Nîsana 2017 / Wan

Nasnav: Ferman Agirî Nav paşnav: Ferhat Taşkin Cihê jidayikbûnê: Şirnex Dayik-Bav: Zeycan-Abdulcabbar Dem û cihê şehadetê: 28'ê Nîsana 2017 / Wan

Nasnav: Têkoşer Çatak Nav paşnav: Cuneyt Bacu Cihê jidayikbûnê: Wan Dayik-Bav: Salîha-Kasim Dem û cihê şehadetê: 28'ê Nîsana 2017 / Wan