Navenda Ragihandin û Çapemeniyê ya HPG'ê bi daxuyaniyekê got, "Hêzên me yên li tunelên şer li ber xwe didin û tîmên me yên bi tevger bi rengekî koordîneyî bi rêbazên çekên giran, sûîqest û serdegirtinê çalakî lidar xistin. Di van çalakiyan de ku bi hostatiyeke mezin hatin kirin û windahî tê de nehate dayin, 18 dagirker hatin cezakirin, 2 sîstemên radarê û 3 çeper bi temamî hatin îmhakirin. Qadên Berxwedanê ji aliyê artêşa Tirk a dagirker ve 15 caran bi helîkopteran, 24 caran bi balafirên şer û tunelên şer jî 3 caran bi teqemeniyan hatin bombekirin.

Agahiyên berfireh ên çalakiyan û êrişan wiha ne:

LI HERÊMA CÛDÎ YA BOTANÊ;

Artêşa Tirk a dagirker 27'ê Gulanê ji saet 23:00 heta 28'ê Gulanê saet 09:00 bi balafirên şer 11 caran bombe li herêma Cûdî ya Botanê barand. Piştî vê bombardûmanê dagirkeran dest bi operasyonê kirin û bêencam vekişiyan. Çapameniya şerê taybet a Tirk ragihand ku di vê operasyonê de 3 hevrêyên me şehîd bûne. Lê belê ev agahî rast nîne, di vê operasyonê de windahiyên me nîne.

LI HERÊMA METÎNAYÊ;

12'ê Hezîranê saet di 16:00 û 16:30'î de li Qada Berxwedanê ya girê Hakkarî bi çekên giran li dagirkeran hate xistin.

13'ê Hezîranê saet di 05:10'an de li Qada Berxwedanê ya Girê FM bi sûîqestê li dagirkeran hate xistin û dagirkerek hate cezakirin.

13'ê Hezîranê saet di 07:40'î de li hemberî dagirkerên li Qada Berxwedanê ya Girê FM bi koordîneyî çalakiya serdegirtinê hate kirin. Baskê yekemîn ê çalakiyê li çeperekê xist ku komek dagirker û sîstema radar tê de bûn. Baskê duyemîn ê çalakiyê jî bi çekên ferdî û bombeyan li dagirkeran xist. Di vê çalakiyê de 6 dagirker hatin cezakirin, sîstemeke radarê û çeperek hatin îmhakirin. Çepereke veşartî ya dagirkeran a dixwest dest li vê çalakiyê werde hate tespîtkirin û bi sûîqestê lê hate xistin. Di çalakiyê de dagirkerek hate cezakirin. Piştre jî ev çeper bi temamî hate îmhakirin û 2 dagirkerên tê de hatin cezakirin.

13'ê Hezîranê saeta di 09:30'î de li dijî dagirkerên li Qada Berxwedanê ya Girê Cûdî bi sûîqestê li dagirkeran hate xistin, dagirkerek hate cezakirin.

13'ê Hezîranê hêzên me dest li helîkopteran werdan ên li ser Qada Berxwedanê ya Girê Hakkarî difikiriyan. Piştî destwerdanê helîkopter neçar man ji qadê biçin.

LI HERÊMA ZAPÊ;

13'ê Hezîranê saet di 18:45, 21:40 û 23:50'î de li Qada Berxwedanê ya Karker li dijî dagirkeran çalakî hate kirin. Di vê çalakiyê de ku ji aliyê hêzên me yên YJA Starê ve bi taktîka sûîqestê bi hostatî hate kirin 3 dagirker hatin cezakirin.

13'ê Hezîranê saet di 18:30'î de bi çekên giran li dagirkeran hate xistin ku hewl didan xwe nêzî tunelên şer ên li Qada Berxwedanê ya Werxelê bikin.

LI HERÊMA XAKURKÊ;

12'ê Hezîranê saet di 08:00 û 17:00 de li hemberî dagirkerên li Girê Koordîne yê li herêma Şehîd Bêrîtan bi çekên giran çalakî hate lidarxistin.

13'ê Hezîranê saet di 12:20'î de li Girê Şehîd Axîn bi çekên giran li çepereke radarê hate xistin ku 4 dagirker tê de bûn. Di vê çalakiya hêzên me yên YJA Starê de 4 dagirker hatin cezakirin, sîstema radarê û çeper hatin îmhakirin.

ÊRIŞÊN DAGIRKERIYÊ DEWAM DIKIN

Êrişên artêşa Tirk a dagirker ên bi çekên kîmyewî û teqemeniyan;

14'ê Hezîranê saet di 05:05 û 05:30'î de tunelên şer ên li Qada Berxwedanê ya Werxelê 3 caran bi teqemeniyan hatin bombekirin.

Êrişên artêşa Tirk a dagirker ên bi obus, helîkopterên êrişê û balafirên şer;

13'ê Hezîranê Girê Cûdî, Girê Amediyê, Saca, Çemço, Sîda û Rênçbiraxa bi obusan ji aliyê qereqolên li ser sînor ve hatin bombekirin.

13'ê Hezîranê, qadên Girê Cûdî, Saca, Çemço û Sîda bi balafirên şer 13 caran hatin bombekirin.

13 û 14'ê Hezîranê Qadên Berxwedanê yên Girê Cûdî, Girê FM, GirEê Amediyê, Şehîd Şahîn, Çiyareş û Kurojahro bi helîkopterên êrişê 15 caran hatin bombekirin."