Ji bo hilbijartina parlamenta Başûrê Kurdistanê ku wê 30'ê Îlonê bê kirin, dema serlêdanê ya partiyên siyasî, lîste û koalîsyonan li Komîsyona Hilbijartinê ya Bilind hate dirêjkirin. Dema serlêdanê ji 7 heta 25'ê Tîrmehê bû. Lê heta 29'ê Tîrmehê hate dirêjkirin.

Partiyên siyasî, lîste û koalîsyon, wê navê namzetên xwe karibin heta 29'ê Tîrmehê ji Komîsyona Hilbijartinê ya Bilind a Herêma Kurdistanê re ragihînin.

Berdevkê Komîsyona Hilbijartinê ya Bilind Şêrwan Zirar li Hewlêrê civîneke çapemeniyê li dar xist û diyar kir ku dema serlêdanê ji 7'ê Tîrmehê heta 29'ê Tîrmehê ye.