Hêzên Heşdî El Şabî, ku çend roj berê dest bi operasyona kontrolkirina bajarokê Qeyrewan ê Şengalê kirin, dan xuyakirin ku wan bajarok kontrol kirine.

Berdevkê Tûgayên Bedir ên ser bi Heşdî El Şabî Hadî El Amrî daxuyaniyek da û got, "Hêzên Heşdî El Şabî, bi piştgiriya hêzên hewayî yên Iraqê îro bajarokê Qeyrewanê kontrol kirine. Her wiha gundên Xinêsî, Um Hamr û Hezyeliş ên ser bi Qeyrewanê jî ji çeteyan hatine paqijkirin."

Heşdî El Şabî, ku hêzeke ji milîsên Şîa pêk tê, berî niha bi 12 rojan dest bi operasyona Qeyrewanê kiribû.