Li navçeya Qoserê ya Mêrdînê, hemşîr Şiyar Ozgur Temlî ku li Nexweşxaneya Dewletê ya Qoserê dixebitî, dawî jiyana xwe anî. Hat diyarkirin ku Temlî bi hevjîn û pitika xwe ya 4 mehî re jiyaye û întixarkirina wî hevjîna wî ferq kiriye. Piştî ferqkirinê hevjîna wî gazî ambûlansê û tîmên tenduristiyê dike û wî radikin nexweşxaneyê. Li nexweşxaneyê rexmî hemû mudaxaleyan Temlî nayê xelaskirin û jiyana xwe ji dest dide.

Cenazeyê Temlî ji aliyê malbta wî ve hat girtin û li Qoserê hat veşartin.

Hat hînbûn ku demeke kurt berî întixar bike çûye Nexweşxaneya Dewletê ya Qoserê û piştî saetek li nexweşxaneyê maye vegeriyaye mala xwe.

Hat diyarkirin ku Temlî ji ber deynê xwe yê ku nikaribûye razîne pirsgirêkên derûnî jiyaye.