Endama Koordînasyoan PAJK'ê Şîmal Ulkem Guneş di Stêrk TV de ji bernameya Rojava Jinê re axivî.

Guneş got planên komkujiyê yên dewleta Tirk wê wan bêzar neke û diyar kir, ''Dijmin bi wê fikrê ye ku bi piranî bi êrîşên hewayî û taktîkên şerê taybet wê Tevgera Azadiya Kurd biqedîne. Bi planên wiha yên gemarî ti caran nikare were tinekirin.''

Guneş got ên ku bi dewleta Tirk re hevkariyê dikin û destekê didine wan, ji destkeftiyên gelê Kurdistanê, ji rabûna wê ya ser piyan a bi vîna xwe ya azadiyê, ji yekbûna gelê Kurd aciz in û diyar kir, Tevgera Azadiya Kurd biryardar e ku bi li dijî van bi gel re rawestin. Guneş bal kişande ser bi deh hezaran şehîd û hêsîrên şerên Tevgera Azadiya Kurd û got, ''Ev her wiha têkoşîna rûmet û namûsê ye.''

Guneş got divê hemû gelê Kurdistanê rabe ser piyan û bal kişande ser pêngava ''Ji bo guherîn û azadiyê tu jî rabe ser piyan'' ya ku rêxistiya jinê daye destpêkirin û got, ''Pêşî divê jin rabin ser piyan. Divê ciwan û jin rola xwe ya li nav civakê bi cih bînin.''