Navenda Ragihandin û Çapemeniyê ya HPG'ê li ser çalakiyên gerîla yên li Çelê û Şemzînanê daxuyaniyeke nivîskî weşand.

Di destpêka daxuyaniyê de hat ragihandin, balafira keşfê ya bê mirov a artêşa Tirk roja 8'ê Adarê li ser herêma Zapê geriya û di encama çalakiya gerîla ya bi çekên giran de derb lê ketiye û neçar maye ji herêmê biçe.

HPG’ê di daxuyaniya xwe de bal kişand ser van xisûsan:

"7'ê Adarê di saet 15:15’an de yekîneyên me li dijî komeke leşkerên ku ji Girê Sîvrî diçûn Girê Leylek ê girêdayî navçeya Şemzînan a Colemêrgê bi çekên giran çalakiyek lidar xistine. Di vê çalakiyê de hêjmara kuştî û birîndaran nehatiye zelalkirin

8'ê Adarê aet di 17:00 de, li hemberî leşkerên li gundê Petrot ê navçeya Çelê ya Colemêrgê bi cih bûbûn, hêzên me bi çekên giran çalakî pêk anîn. Hejmara leşkerên di vê çalakiyê de mirin û birîndar bûn, nehat zelalkirin."

BALAFIRÊN ŞER BOMBE LI QADÊN GERÎLA BARANDIN

HPG’ê diyar kir ku balafirên şer herêmên gerîlayan bomberdûma dike û ev agahî da: "8’ê Adarê balafirên şer ên artêşa Tirk di navbera saet 10:00 heta 11.00 li ser Girê Cehennem ê girêdayî qada Avaşîn a Herêmên Parastinê yên Medyayê, di saet navebera 17:00-20:00’an de jî Dola Kinyaniş, Dola Şehîd Ozgur, qada Govendê, Geliyê Avaşîn û Mervanos bomberdûman kirin. Dîsa heman rojê di saet 00:00 heta 02:30’na de balafirên şer devera Tabûra Ereban bomberdûman kiriye.

8'ê Adarê saet di 00:00-00:30’an de balafirên şer derdorê Ava Zapê û gundê Karê yên girêdayî herêma Zapê bombe kirine."