Navenda Ragihandin û Çapemeniyê ya HPG'ê li ser çalakiya gerîla ya 1'ê Çileyê li Colemêrgê pêk hat, daxuyaniyeke nivîskî weşand.

Di daxuyaniyê de ev agahî hatin dayîn: "1'ê Çileyê saet di navbera 12:00-12:30 de, li dijî leşkerên li ser girê Elîşêr ê li herêma Oremarê ya li navçeya Gever a Colemêrgê, hêzên me bi hawanan çalakiyek lidar xistin. Hejmara leşkerên di vê çalakiyê de mirin û birîndar bûn, eşkere nebû.

Saet di 23:00 ê 1'ê Çileyê heta saet 01:00 ê 2'ê Çileyê, alaya Garê ya li navçeya Şemzînan a Colemêrgê obus û hawan avêt girê Karker. Roja 2'ê Çileyê saet di navbera 04:00-04:30 de qereqola Serê Sêve ya li navçeya Çelê obus û hawan avêt girê Cehennemê."