Gelê Başûrê Kurdistanê ku dibin pêşengiya Komelên Ciwanên Welatparêz û Jinên Ciwan ên Têkoşer de îro ji bajarên cûda yên Başûrê Kurdistanê berê xwe dan Qendîlê û li navçeya Dukan a ser bi Silêmaniyê meşek lidar xistin. Meş bi dirûşmeyên, “Bijî Berxwedana Îmralî’, ‘Bijî Rêber Apo’, ‘Bijî Berxwedana Qendîlê’ û ‘Bimre xiyanet’ hatin lidar xistin. Meş di saet 11’ê berê nîvro de pêk hat.

Ciwanên Germiyan, Şarezûr û Dûkanê jî beşdarî karwanê ciwanan bûn.

‘EM Ê DAGIRKERIYÊ QEBÛL NEKIN’

Li Dukanê ciwan û gele Başûr daxuyaniya çapemeniyê lidar xist. Daxuyanî ji aliyê Dêrsim Germiyanî ve hate xwendin û wiha têgotin; “Divê dewleta Tirk bizane ku ciwan dagirkeriyê qebûl nakin û wê Kurdistanê ji dagirkeran re bikin goristan.”

Germiyanî bang li tevahî gelê Başûrê Kurdistanê kir ku li dijî dagirkeriyê derkevin û beşarî çalakiyên li dijî dagirkeriya Tirk bibin.

Piştî daxuyaniyê ciwan berbi Ranya ve bi rêketin û biryare bi tevlîbûna çalakvanên ji bajarên din jî girse berbi Qendîlê ve rê bikeve.

CIWAN WÊ BIBIN MERTALÊ ZINDÎ

Ciwanan sere sibê li parka Nalî ya Silêmaniyê daxuyaniyeke çapemeniyê dabûn û ragihandibûn ku wê beşek ji ciwanên çalakvan li Qendîlê li dijî dagirkeriyê kon vedin û ji bo Qendîlê bibin mertalên zindî.

Tê payîn ku ciwan û gel piştî ku gihiştin Qendilê li dijî êrîşên dagirkeriyê yên dewleta Tirk li dijî Başûrê Kurdistanê daxuyaniyeke girseyî bidin çapemeniyê.