Bi armanca şermezarkirina êrîşa çekdarên PDK'ê ya li Şengalê, girseya gel li parka Leyla Qasim li hev civiya.

Endamê Komîteya Amadekar a çalakiyê Aso Wahap li vir axivî û got, "Em weke gelê Kelar, rêxistinên civakî yên sivîl û partiyên siyasî, vê êrîşê şermezar dikin." Wahap destnîşan kir, ku êrîşa li Xanesorê dest pê kir, bi ti awayî bi kêrî yekîtiya neteweyî û berjewendiyên Kurdan nayê."

Aso Wahap anî ziman, li şûna ku divê gelê Şengalê vegere mala xwe û birînên xwe yên piştî êrîşên DAIŞ'ê li wan vebûn bipêçin, êrîşeke bi vî rengî hat kirin û ev ne ya qebûlkirinê ye. Wahap got, "Ev êrîş bi tenê bi kêrî dijminên Kurdan tê û zerarê dide yekîtiya neteweyî ya Kurdan. Ji ber vê yekê divê derhal bê sekinandin."