Çalakiyên protestoyê yên li dijî qetilkirina rojnamevan Nazim Daştan û Cîhan Bîlgîn ên ku bi balafirên dewleta Tirk hatin qetilkirin, didomin. Li warê Daştan, gundê Dibeklî yê Giyadînê malbat û xizmên wî xwestin şîn danin. Lê belê cendirmeyên Tirk bi ser şînê de girtin û şîn asteng kirin, ketin û derketina ji gund jî qedexe kirin. Cendirmeyan nehêla li cihê şînê mase û kursî bên danîn.

Ji ber çalakiyên protestoyî yên li dijî qetilkirina Daştan li Agirî û Giyadînê wê bihatana kirin, rewşa awarte hate ragihandin. Dewleta ku nehêla malbata Daştan şîn dane, navenda bajêr bi wesayîtên zirxî û bi hezaran polîsan dorpêç kir.

Dewleta Tirk a dagirker bi wesayîtên zirxî û otobusan bi ser cihên diyar ên navçeyê û avahiyên DEM Partiyê yên li bajar-navçeyê de digire. Polîs û cendirme nasnameya kesên diçin û tên jî, kontrol dikin.