Bi balafireke bêmirov a bombebarkirî ya dewleta Tirk a dagirker bombe li wesayiteke li Binarê Qendîlê hate barandin. Ji ber bombardûmanê tiştek bi kesî nehat, lê xisar li gelek wesayitên şaredariyê bû.
Dewleta Tirk a dagirker li herêma Binarê Qendîlê êrîş bir ser wesayitekê. Di êrîşê de tiştek bi kesî nehat lê belê xisareke mezin gihîşt avahiya Şaredariya Binarê Qendîlê û gelek wesayitên şaredariyê.
Hevşaredarê Binarê Qendîlê Dilşêr Îbrahîm diyar kir ku dewleta Tirk bombe li qemyoneke parkkirî ya li nêzî Şaredariya Binarê Qendîlê barand, agir bi wesayitê ket, lewma xisar li gelek wesayitên şaredariyê bû.
