Dayikên Şemiyê, çalakiya xwe ya "Bila winda bên dîtin û faîl bên darizandin" di hefteya 851'emîn de ji ber vîrûsa koronayê bi awayekî onlÎne li dar xistin.

Di çalakiya vê hefteyê de dayikan ji ber çalakiya xwe ya hefteya 700'emîn de ku hatibûn binçavkirin û doz li wan hatibû vekirin kirin rojev. Xwişka Hesen Ocalan ku dema destgîrkirî hatibû windakirin Maside Ocak, danişîna kesên ku di hefteya 700'emîn de hatibûn destgîrkirin û doz li wan hatibû vekirin bi bîr xist û da zanîn ku vê hefteyê ji agahdarkirina derbarê dozê re veqetandine. Ocak, xwest ku pêwistiya hiqûqa navneteweyî ji wan re bê kirin û ev tişt got: "Ne me, kesên ku hezkiriyên me dan windakirin û vê rewşê afirandin bidarizînin."

Ji parêzerên dozê Metîn Îrîz û Serokê Baroya Amedê Nahît Eren jî axivîn û diyar kirin ku bi Dayikên Şemiyê re têkoşîna windayan bidomînin.