Danişîna doza têkildarî Muhammed (7) û Furkan Yildirim (6) ku li Silopiyayê ya Şirnexê, li taxa Karşiyakayê 3'yê Gulana 2017'an di mala xwe de, bi panzêrê hatin kuştin, dest pê kir.

Danişîna 5'an a dozê ya polîsê bi navê Omer Yegît ku panzêr diajot û bû sedema mirina du zarokên Kurd û ya amirê wî Murat Maden ku Yegît peywirdar kiribû, li Dadgeha Cezayê Giran ê 2'yan a Cizîrê dest pê kir. Li danişînê bavê zarokên kuştî Mesût Yildirim û her wiha polîsên bersûc û parêzer hazir bûn.

Danişîna ji hêla Hafiza Merkezî, Şûbeya Amedê ya Komeleya Mafê Mirovan ve û parêzerên gelek baroyan û Platforma Hiqûqnasên Azad ve tê şopandin, her wiha Parlamentera HDP'ê ya Şirnexê Nuran Imîr û gelek rêveberiyên partiyê jî hazir in.