DAIŞ'ê li Xurmatûyê êrîş kir
Çeteyên DAIŞ'ê duh bi şev êrîşî mewziyên pêşmergeyan ên li herêma Zerge ya li Xurmatûyê kirin.
Hat ragihandin, gelek ji çeteyên êrîş kirin hatin kuştin û 6 pêşmerge jî birîndar bûn.
Çeteyên DAIŞ'ê nîvê şevê saet di 01:00 de êrîşî pênc çeperên hêzên pêşmergeyan kirin. Ev êrîş hate şikandin. Di encama şer de ku du saetan dewam kir, hat ragihandin ku gelek çete hatine kuştin.
Çavkaniyên herêmî ragihandin, 6 pêşmerge jî birîndar bûne.
