Bi sedan welatiyên bajarê Girê Spî cenazeyê şervanê YPG′ê Welîd Reşîd (Aram Girê Spî) ji nexweşxaneya leşkerî ya bajêr wergirtin û ber bi goristana Şehîd Mehmûd Tumê ve ketin rê.

Di merasîma oxirkirinê de, Hevseroka Rêveberiya Xweser a bajêr Zelîxe Ebdî, nûnerên TEV-DEM′ê, Kongreya Star û Saziyên Sivîl, amade bûn.

Li goristanê merasîmekî leşkerî hate lidarxistin. Piştre Endamê Desteya Rêveber a TEV-DEM′ê Ferhad Dêrik axivî û got: “ Şehîd rêya azadiya gelan ronî dikin.”

Dêrik dîyar kir ku hêzên YPG,YPJ û QSD′ê wê bajarê Reqayê û tevahî herêmên Sûriyeyê ji çeteyên DAIŞ′ê rizgar bikin.

Piştre jî nasnameya şervan hat xwendin, radestî malbata wî hat kirin û cenazeyê wî li goristanê hat definkirin.