Cenazeyê rojnamevan Gulistan Tara ya di 23’ê Tebaxê de li Seyîdsadiqê ji aliyê dewleta Tirk a dagirker ve hat qetilkirin, sibê bi merasîmeke bi heybet ber bi bajarê wê Êlihê ve bê birêkirin.
Dewleta Tirk a dagirker di 23’yê Tebaxê de li navçeya Seyîdsadiq a Silêmaniyê ya Başûrê Kurdistanê bi balafirên bêmirov wesayîta rojnamevanan bombebaran kir û rojnamevan Gulistan Tara û Hêro Bahadîn qetil kir. Cenazeyê rojnamevan Gulistan Tara sibê li Silêmaniyê bi merasîmeke bi heybet dê ber bi Bakurê Kurdistanê bê birêkirin. Merasîm dê di saet 9’ê berî nîvro de li Parka Azadiyê dest pê bike.
Bi dirûşmeya "Dengê heqîqetê bi terorîzma dagirker û xayînan nayê bêdengkirin" sibê saet 9’ê berî nîvro li Parka Azadî merasîma birêkirina cenazeyê şehîd Gulistan Tara dê pêk were.
Merasîm bi beşdarbûna malbata şehîd Gulistan û heval û hempîşeyê wê û azadîxwazan dê pêk were. Piştî merasîmeke bi heybet heta gundê Tasluceyê bi otomobîlan dê cenazeyê şehîd Gulistan Tara ber bi Bakurê Kurdistanê bê birêkirin.
