Balafirên şer ên Tirk Gare bomberdûman dike
Balafirên Şer ên dewleta Tirk a dagirker herêmên Bînekûr, Babûle, Xarmîs, Gare û Kafiye yên girêdayî Herêmên Parastinê yên Medyayê bombe dike.
Balafirên Şer ên dewleta Tirk a dagirker herêmên Bînekûr, Babûle, Xarmîs, Gare û Kafiye yên girêdayî Herêmên Parastinê yên Medyayê bombe dike.
Balafirên şer ên dewleta Tirk a dagirker ji saet 14:30’an ve herêmên Bînekûr, Babûle, Xarmîs, Gare û Kafiye ên girêdayî Herêmên Parastinê yên Medyayê ne bombe dike. Ji ber bomberanê agir bi daristanên herêmê ketine.
Li gor agahiyên ji herêmê hatin girtin, bombebaran van kêliyan jî didome û ji ber bombebarana balafirên şer ên dewleta Tirk a dagirker li herêmê şewata derketî hê jî didome.
Têkildarî encamên bombebaranê hê ti agahiyên zelal nehatiye bidestxistin.
Hêjay gotinê ye ku şevê din balafirên şer ên dewleta Tirk a dagirker herêma Xakûrkê ya girêdayî Herêmên Parastinê Medya yê jî bombebaran kirin. Têkildarî encama bombebarana li vir jî ti agahiyek zelal nehatiye bidestxistin.