Êrîşên dagikeriyê yên dewleta Tirk a dagiker bi hevkariya PDK’ê li Başûrê Kurdistanê daye destpêkirin didome. Hat zanîn ku heta niha 80 cenazeyên leşkeran anîne Geverê û ji vir jî şandine Enqereyê.
Dewleta Tirk a dagiker di 17’ê Nîsanê de bi hevkariya PDK’ê li dijî herêmên Zap, Avaşîn û Metînayê dest bi êrîşên dagikeriyê kiribû. Di çarçoveya êrîşan de li herêmê şerên dijwar diqewime. Tê gotin ku di encama şeran de heta niha gelek leşker hatin kuştin. Li gorî agahiyên ji çavkaniyên herêmê hatin girtin, 4 roj berê cenazeyên 80 leşkeran anîn Nexweşxaneya Dewletê ya Gever a Colemêrgê. Çavkaniyan destnîşan kir ku piştî kar û barên li Geverê jî ev cenaze li Balafirgeha Selahattîn Eyubî ya Geverê şandin Enqereyê.
Her wiha leşkerên ku di pevçûnan de birîndar bûyîn jî li nexweşxaneya ku li herêma Oremarê hatiye avakirin tên dermankirin. Ji ber ku hejmara leşkerên birîndar gelek zêde ye, leşkerên birîndar û yên hatine kuştin derbasî Nexweşxaneyên Dewletê yên Çelê û Colemêrgê hatin kirin.
