Êrişa dagirkeriyê ya artêşa Tirk a li ser Garê: Şerekî giran diqewime
Artêşa Tirk a dagirker bombardûmaneke giran li qada Garê ya Herêmên Parastinê yên Medyayê kir û dest bi danîna hêzên xwe kir.
Artêşa Tirk bi balafirên şer û helîkopterên Kobra bi şev saet di 03:00 de bombardûmaneke giran li qadên Prizê, Bergarê û Siyanê yên Garê kir.
Dagirkeran piştre hejmareke zêde leşker li qada Siyanê danîn.
Şerê ku li vê qadê di navbera gerîla û dagirkeran de dest pê kir, dewam dike.
Hêzên gerîla bersiv dan helîkopterên Kobra yên Gare bombe dikirin û li ser vê yekê helîkopter ji herêmê çûn.
