Çeteyên DAÎŞ'ê ku demeke êrîşî derdora Xaneqîn, Celawla, Diyala, Xurmatû û gundên wan dikin, şeva Yekşemê xwestin êrîşî gundê Şerk ê Celawlayê bikin.

Gundiyan li dijî êrîşa çeteyan li ber xwe dan û piştî şerekî kurt, çete ji ber gundiyan reviyan.

2 POLÎS KUŞTIN

Rayedarekî ewlekariyê yê li herêmê li ser êrîşê got, "DAÎŞ'ê destpêkê êrîş bir ser bendeke kontrolê ya Polîsên Federal ên Iraqê ya li nêzî gund. Li wir 2 polîs kuştin. Piştre êrîşî gund kirin. Gundiyên Kurd jî li dijî DAÎŞ'iyan li ber xwe dan. Piştî vî şerî, DAÎŞ'î neçar man ji herêmê vekişin."