Tevgera Jinên Azad (TJA), li ser êrîşên li ser Gazete Şûjinê daxuyaniyeke nivîskî da.

Di daxuyaniyê de hate gotin, di vê sala dawî de bi Rewşa Awarte, BHQ û qeyûman êrîşeke bi dijminatiya jinê pêk hatiye, komeleyên jinê, yên hevgirtinê, saziyên çapemeniyê, kooperatîf û kargehên jinan hatine girtin, tundî, tecawiz û êşkenceya li ser jinê zêde bûye û li dijî her cure êrîşan têkoşîna jinê bi berxwedana hemû jinên rêxistinî pêkan e.

Her wiha di daxuyaniyê de hate gotin ku çeteyên tecawizê, li ser torên fihûşên yên organîzebûyî û hişmendiya siyasî ya ku jê dixwin bi rengekî bê perwa tevdigerin. TJA’yê bi domdarî got Gazete Şûjin di nûçegihaniya jinê de xebatên serketî dike û di serî de di bûyera G. ya Êlihê de û di deşîfrekrina avaniyên sûc ên organîze û bûyerên tundiyê yên li ser jinê de û her wiha di çêkirina tevgerê ya di nav gel de xwedî kedeke mezin e û ji bo vê sedemê jî ji hêla kes û komên wiha ve ku vê tundiyê dikin, gefê li nûçegihaniya jinê tê xwendin.

 ‘EM LÊ XWEDÎ DERKEVIN’

‘’Em dixwazin li dijî van gefên ku zêde bûne û bê perwa bûne diyar bikin di serî de xebatkarên Gazete Şûjinê heke li ser yek hevala me ya jin êrîşek çêbibe ev ê weke êrîşeke li dijî Tevgera Jinê were dîtin. Divê ti kese bîr, hêrs û hişmendiya jinê ya tevgera jinê ya di vê babetê de ji bîr neke.

Em bang li hemû raya giştî ya bihistyar dikin ku xwedî li Gazete Şûjin derkevin û li dijî êrîşan hev bigirin.’’