Li gorî lêkolînekê ku ji aliyê Enstîtuya Lêkolîna Kanserê û Weqfa NHS a Marsden a Îngilistanê, ji sedî 46 ê nexweşên bi kansera malzarokê, dema ku dermanên VS6766 û defactinibê bi kombîneyî bi kar anîn, serketî bûn.

Lêkolîn têkildarî 24 jinên ku di asteke bilind de bi nexweşiya kansera malzarokê ketine hate kirin û di encamê de hate tespîtkirin ku li nava nîvê jinan tumor lawaz bûye.

Kansera li malzarokê hîn di temenekî ciwan de li nava jinan rû dide û ji ber ku cûreyekî xurt ê kanserê ye, tedawiya wê gelekî girîng e.

Zanyaran diyar kirin ku kombînasyona nû ya dermanan sînyala mezinbûnê ya hucreyên bi kanser bloke dike û bi vî rengî kanser tê kontrolkirin.

Hate ragihandin ku ceribandinên klînîkê yên li Îngilistanê bi komeke hîn berfireh di asta duyemîn de tê meşandin.

Dermanên VS-6766 û defactinib dermanên cihê ne ku niha li bazarê ne. Ji ber vê yekê jî rêbaza nû ya tedawiyê dibe ku dema bê hîn zêdetir bê bikaranîn.