Li navçeya Ranya ya Silêmaniyê bi wesîleya 9’mîn salvegera şehadeta yek ji damezrînerên PKK’ê Sakîne Cansiz (Sara), Nûnera KNK’ê ya Parîsê Fîdan Dogan (Rojbîn) û Endama Tevgera Ciwanan Leyla Şaylemez (Ronahî) bi pêşengiya Rêxistina Jinên Azad a Kurdistanê (RJAK) merasîmeke bîranînê hat lidarxistin.

Bîranîn bi deqeyek rêzgirtina ji bo şehîdên Kurdistanê destpê kir. Piştî rêzgirtinê Endama RJAK’ê Aştî Nurî axivî û got: “Li ser vê komkujiyê re 9 sal derbas dibin, têkoşîna azadiyê ya xeta Sakîneyan bi îradeyek bihêz herku diçe berbi lûtkeyê diçe. Em soza ji bo xeta azadiya jine dubare dikin. Em ê ji bo avakirina sîstemek demokratîk û dawîlêanîna sîstema desthilatdarî, faşîst û nokeriyê têkoşînê bikin û ji bo her tiştî amadene.”

Piştî axafitinê li ser jiyan û  têkoşîna Sakîne Cansiz û hevrêyên wê sînevîzyonek hate nîşandan.