Koordînasyona PAJK’ê têkildarî êrîşên dewleta Tirk ên li dijî Efrînê daxuyaniyeke nivîskî weşand.

Di daxuyaniyê de ev tişt hatin diyarkirin:

“Êrîşên dewleta Tirk ên li dijî Efrînê diyar dike ku feraseta faşîst a Komara Tirkiyeyê/AKP’ê xwe li ser dijminatiya Kurdan ava dike. AKP dixwaze polîtîkaya xwe ya hilweşandinê bi Efrînê re bidomîne. Armanca wan ev e ku hemû Kurdan tune bikin. Divê raya cîhanê û gelê me li hemberî vê faşîzm û wehşetê bêdeng nemîne.

Gelê Kurd li hemberî êrîşan dikare xwe biparêze û ji tu dewletên din rica nake ku, werin wan biparêzin. Tirkiyeyê diyar kiriye ku ew ji bo êrîşên li dijî Efrîn û Rojava dikare her cure tawîzan bide. Tirkiyeyê bi Rûsyayê re tifaqeke qirêj ava kiriye. Gelê Kurd vê polîtîkaya komployê ya Rûsan ji Berxwedana Mehabad û komploya li ser Rêbertiya me dizane. Lê li hemberî vî tiştî ew ê berxwedana gelan êrîşan bişkîne û dagirkeran têk bibe.

Me bi serfiraziya Kobanê dest bi şoreşa Rojava kir û em ê bi serfiraziya Efrînê fînalê bikin. Li ser vî esasî em berxwedana YPG/YPJ’ê silav dikin. Em bang li gelê xwe yên li her çar parçeyên Kurdistanê dikin ku bi giyanê seferberiyê xwedî li Efrînê derkevin.”