PAJK: Di sala 43’an de em ê serfiraziyên nû bi dest bixînin

Koordînasyona PAJK’ê: PKK êdî ne bi tenê ya gelê Kurd, hêza azadîxwaz a civak û jinên gelên Rojhilata Navîn e.

Koordînasyona PAJK’ê derbarê salvegera avabûna PKK’ê daxuyaniyeke nivîskî li ser malpera xwe ya înternetê weşand û got, “PKK ya ku partiyeke jinan e, ji bo ku temsîliyeta wekhev li her derê were pêkanîn, têdikoşe.”

Di daxuyaniya PAJK’ê de ev tişt hate diyarkirin:

“Em salvegera 42’emîn a avakirina PKK’ê pîroz dikin. Di serî de ya avakarê partiya me Rêber Apo em 27’ê Mijdarê Cejna Vejînê ya şehîdên xwe, gelê Kurdistanê yê fedakar, rêhevalên xwe yên li çiya, bajar û zindanan li ber xwe didin û ya dostên xwe pîroz dikin.

Hemû nirxên PKK’ê ya ku partiyeke şehîdan, ji aliyê şehîdên berxwedêr hatiye avakirin. Ji şehîdê me Hakî Karer ê ku bûye wesîleya avabûna partiya me, Besê Anûş, Gulnaz Karataş, Gûrbettelî Ersoz, Hozan Mizgîn, Delal Amed, Zîn, Berçem Gever û heta Leyla Agirî em hemû rêhevalên xwe bi hurmet û hezkirin bi bîr tînin. Em soza xwe dubare dikin ku em ê hemû bîranîn û hesretên şehîdên xwe pêk bînin.

Di vê pêvajoyê de ya ku modernîteya kapîtalîst ji xeynî koletiyê tu hilbijartineke din nehiştibû, PKK bi pêşengiya Rêber Apo derket holê. PKK ya gelê Kurd di serî de xwedî li danheviya têkoşîna civakên herêmê derket. Ji bo ku li Kurdistan û Rojhilata Navîn gel li ser zemîna hevpar a jiyanê bi azadî bijîn, PKK’ê perspektîfa îdeolojîk danî holê. PKK bi demokrasî, azadiya jinan, ekonomiya ekolojîk re, li hemberî netewe-dewlet, endustrîyalîzm û ekonomîzmê pergala jiyaneke alternatîf ava dike. Li hemberî modernîteya kapîtalîst a ku ji xeynî pergala mêtingeriyê tu tercîheke din pêşkêş nake, Kurdan, jinan û civakên herêmî dîtin ku li dora îdeolojiya PKK’ê dikarin bi hev re bijîn. Vê îdeolojiya ku Rêber Apo ava kiriye, ne bi tenê li Kurdistanê, li Rojhilata Navîn û li her dera dinyayê bi baldarî tê dîtin. PKK êdî ne bi tenê ya gelê Kurd, hêza azadîxwaz a civak û jinên gelên Rojhilata Navîn e.

PKK AZADIYA JINÊ JI BO AZADIYA CIVAKÊ WEKE KRÎTER DÎT

PKK partiya jinê ye. Li hember modernîteya demokratîk a jinê weke zayenda refa duyan, netew û ref dîtinê Rêber Apo azadiya jinê ji bo azadiya civakê weke krîterek nîşan daye. Çawa ku ev yek avaniya pradîgmaya partiya me pêk tîne, avaniya îdeolojîk û polîtîk jî bi sazî dike, bikar dike. Cihêtiya jinê û kotaya jinê derbas kiriye, li hemû saziyên civakê wekheviya jinê esas girtiye. Ji jiyana hevbeş û sîstema hevserokatiyê jin di nava her qada civakê de, ne weke yekem an jî duyem wekhev cih digire. PKK a weke partiya jinê ye, ji bo wekhev nûnertî li her cihî bê pêkanîn, bi taybetî têkoşînê dike.

Îro li çar parçeyên Kurdistanê hêzên dagirker û mêtinger ji bo destketiyên Kurdan ji holê rake, bê perwa êrîş dikin. Lê divê ev yek bê zanîn ku partiya me di sala 42’an de bi berdêlên mezin ên dayîn bûye hêzekî ku neyê têkbirin. Ev hêz xwe dispêre ezmûn û tecrûbeyên xwe yên 42 salî, şer û têkoşînê dike. Di sala 43’an de jî wê ev vi vîna vejîn û berxwedanê ya ku têk neçe, serketinên nû bi dest bixin. Li her cihê welat bi kadroyên rêxistinkirî pradîgmaya xwe ya demokratîk, azadiya jinê û îdeolojîk ava bikin. Avaniya kadro ya PKK û PAJK’ê li ber ronahiya çarçoveya îdeolojiya Rêber Apo ava kirî, wê têkoşîna xwe bi biryardarî bi rê ve bibe.

JI BO PÊNGAVÊN KCK Û KJK’Ê BANG

Berî niha jî çawa ku me di daxuyaniyên xwe de diyar kiribû ku ‘Bes e ji tecrîd, faşîzim û dagirkeriyê re; dem dema azadiyê ye’ û ‘Li dijî qirkirina jinê dem dema parastina jina azad û civakê ye’ em hemû kadroyên PKK’ê û PAJK’ê xwedî lê derdikevin û bi berpirsyariyên mezin erka xwe bi cih bînin. Serketinê bi dest bixin.”