Li Girtîgeha Jinan a Tarsûsê li ser jinan lêgerîna tazî hate ferzkirin. Jineke girtî ya ku ji Girtîgeha Tîpa E’yê ya Mêrdînê sirgunî Girtîgeha Jinan a Tarsûsê hatibû kirin û jineke ducanî ya girtî piştî çûna nexweşxaneyê lêgerîna tazî li wan hate kirin.

PROTESTO KIRIN, ÊŞKENCE LI WAN HATE KIRIN

Piştî ku ev jinên girtî hatin qawîşên xwe û qala rewşa xwe kirin, jinên girtî kincên xwe ji xwe kirin û rêveberiya girtîgehê protesto kirin. Ji ber protestoyê gardiyanan 15 jinên di qawîşa C7’ê de derb kir û 17 saetan ew di odeya bi sînger de dan sekinandin. Hate ragihandin ku hin jinan krîz derbas kirine û nexweşiya wan a tansiyonê ew bêhal kirine.

Ev bûyer Şemiyê di dahnê êvarî de pêk hat û girtiyan roja Duşemê xwe gihandin malbatên xwe. Girtiyan diyar kirin ku hevalên wan hê jî di hucreyan de ye û hemû mafên wan ji destê wan hatiye stendin.

Girtiyan banga alîkariya hiqûqî û bihistyariyê kirin.