Li Parîsê di 9’ê Çileya 2013’an de yek ji damezirînera PKK’ê Sakîne Cansiz (Sara), Nûnera KNK’ê ya Parîsê Fîdan Dogan (Rojbîn) û endama tevgera ciwanan Leyla Şaylemez (Ronahî) hatibûn qetilkirin. Bi wesîleya salvegera qetlîamê li pêşiya konsolosxaneya Fransayê çalakiyeke protestokirinê hate lidarxistin.

Çalakî bi pêşengtiya Meclîsa Jinên Kurd û Yekîtiya Jinên Sosyalîst hate lidarxistin.

Jinan nerazîbûn nîşan dan ku Fransa qetlîamê ronî nake û bal kişandin ser vî tiştî ku kujerên her sê jinên şoreşger ên Kurd hê jî nehatine darzizandin. Di çalakiyê de hate diyarkirin qetlîam bi awayekî eşkere ji aliyê rejîma Erdogan a faşîst hatiye kirin.

Di çalakiyê de hate gotin “Bi ruhê Sarayan têkoşîna azadiya jinan li Rojhilata Navîn û li her çar parçeyê Kurdistanê didome.”

Piştî daxuyaniyê jinan çelengeke reş danîn pêşiya avahiyê.