Piştî ku Talîbanê Efganistan bi dest xist, ji bo balê bikişîne ser metirsiya li dijî jinan li bajarê Limasol ê Qibrisê çalakiyek hate lidarxistin.

Di çalakiyê de ku Însiyatîfa Jinê ya Qibrisê pêk anî, hate ragihandin ku ew bi jinên Efgan re ne û hate gotin, "Jin ên Efgan bi hêza xwe dikare li hemberî Talîbanê û zîhniyeta wê ya barbar hêzeke mezin a têkoşînê biafirînin."

Di çalakiyê de dirûşmên "Bimire Talîban", "Jin, jiyan, azadî", "Bijî berxwedana jinan", "Em bi jinên Efgan re ne" hatin qîrîn.