Li bajarê Kalkuta ya bi ser eyaleta Bengala rojava ya Hindistanê di 9’ê tebaxê de jinek bi tecawiza diktorekî re rû bi rû ma û paşê jî hat qetilkirin. Nerazîbûn û hêrsa li dijî tecawizkirin û kuştina vê jinê berdewam dike. Jin li gelek deverên Hindistanê daketin qadan û bûyerê protesto dikin. Jinan ji zanîngehan bigire heta termînalên otobusan çalakî li dar dixistin û dirûşma “em edaletê dixwazin” berz kirin. 

Rojnamevanên ku li herêmê dixebitin ev şîrove kirin: “Me berê qet nedîtiye ku li bajêr bi şev jin bi girseyek ewqas mezin meşiyan e.” 

  Piştî bûyera tecawizê û kuştinê, li seranserî wî welatî jin protestoyan li dar dixin. Jin di roja 8’emîn de daketin kolanan û daxwaza edaletê kirin. Jinên hindistanî di çalakiya roja 8’emîn de dirûşma jinên kurd “Jin jiyan azadî” li ser pankarta xwe nivîsandin. 

 Çalakî ango xwepêşandan li bajarên Delhî, Haydarabad, Mumbaî û Pune jî hatin lidarxistin. Li hin deveran xwepêşandar û polîs hatin dij hev. Polîsan mudaxileyî xwepêşadaran kirin.