Girtîgeha Tarsûsê ya ku hê nû hatiye avakirin, dest bi îşkenceyê jî kir. Li gorî agahiyan îşkenceyên ji ya 12’ê Îlonê xerabtir, tên kirin.

Girtiya jin a bi navê Şefîka Bîlîcî ya di Girtîgeha Tarsûsê de, di hevdîtina bi malbatê de banga bihistyariyê li raya giştî kir û îşkenceyên ku tên kirin, bi vî awayî rêz kir.

Li gorî ragihandinên Bîlîcî, ev îşkence li ser girtiyan tê kirin;

"Ji mûslûxan ava pîs tê; xwarin û tiştên din bi qasî ku neyên xwarin xera bûne; girtiyan nabin revîrê; di dema lêgerîn û sewqa rûniştinan de rastî miameleya dermirovahiyê tên; mafê daxwaznameyan nadin bikaranîn; stendina sol û gore û cilên din hatine astengkirin; danûstendina ji kantînê tê astengkirin; dema kes diçin serdana girtiyan rastî miameleya dermirovahiyê tên."