Meşa ku bi pêşengiya Meclîsa Jinê ya Ronahî li bazara sersalê ya li navenda bajêr hat lidarxistin pir bicoş destpêkir. Li wir polîs hilgirtina wêneyên Sakîne Cansiz, Fîdan Dogan û Leyla Şaylemez ku sala 2013’an li paytexta Fransa Parîsê hatibûn qetilkirin, qedexe kir.

Jinan bi ruxmê qedexeyê dest bi meşa xwe kirin û daxuyaniyek dan. Di daxuyaniyê de hate gotin ku dewletên ku xwedî hişmendiya zilamê serdestin, rê li ber qetlîamên jinan vedikin yan jî çavê xwe digirin û bi vî rengî wana hedef nîşan dide.

 Di daxuyaniyê de her wiha hat ragihandin ku di her mijarê de dixwazin bi ferzkirina ne wekheviyê, zilm û zordariyê jinan bê îrade bikin.

Meş bi berzkirina dirûşmeyên “Jin, Jiyan, Azadî”, “Bijî Serok Apo” û “Li dijî faşîzmê mil bi mil” bi dawî bû.