Bi wesîleya 25’ê Mijdarê Roja Têkoşîna Li Dijî Tundiya Li Jinê ya Cîhanê, bi hezaran jinên herêma Firatê daketin qadan. Meş bi dirûşmeya ‘Li dijî her cûre tundî û dagirkerî, jin, jiyan, azadî’ hat lidarxistin. Meşa ku ji qada şehîd Egîd destpê kir, heta qada Jina Azad dom kir. Di meşê de bê navber dirûşmeya “Jin jiyan azadî” û “Na ji tundiya li ser jinê re” hatin berzkirin.

Piştî ku meş gihîşt qada Jina Azad, Koordînasyona Kongra Star a Herêma Firatê Macîde Hesûn axivî û bal kişand ser dîroka 25’ê Mijdarê. Macîde Hesûn anî ziman ku jin wê heta dawiyê xwedî li fikrê Rêberê Gelê Kurd Abdullah Ocalan derkevin û destnîşan kir ku wê bi dirûşmeya ‘Jin Jiyan Azadî’ azadiyê mîsoger bikin.

Piştre jî ji aliyê Hîlala Zêrîn û Tev Çand’ê li ser tundiya li jinê şano hate pêşkêşkirin.