Nûnerên meclîsên jinan ên li bajarên Dortmûnd, Dûîbûrg û Munsterê li Flachsmarktê ya ku yek ji qada herî qelebalix e ji saet 14.00’an heta 16.00’ê mîtîngek li dar xistin.

Berdevka YJK-E’yê Ayten Kaplan diyar kir ku jinên Kurd li Kurdistanê li hemberî êrîş û zextan stûyê xwe xwar nakin û berxwedana wan ji dinyayê re dibe mînak. Kaplan got ku, “Em xwedî li kampanyaya ‘Ji bo darizandina dîktator 100 sedem’ derdikevin û em dixwazin ji ber sûcê ku kiriye, divê dîktator were darizandin.”

Di çalakiyê de belavoka TJK-E’yê hate xwendin û kesên ji qadê derbas dibûn îmze dan kampanyaya îmzeyan.