Bi wesîleya 8’ê Adarê Roja Jinên Kedkar ên Cîhanê wê li Stenbolê Meşa Şeva Femînîst a 23’yemîn bê lidarxistin. Çalakî wê di saet 19.30’an de li Taksîm Siraselvilerê destpê bike. Jinan ji bo çalakiyê bang kirin.

Qeymeqamtiya Beyoglû jî, hemû çalakî qedexe kirin. Rêyên diçin Taksîm û Cadeya Îstiklalê, bi bariyeran hatin girtin.

Hat zanîn ku wê stasyona Taksîmê ya Xeta Metroyê ya M2 Yenîkapi-Haciosman, rêya ketina Cadeya Îstiklal a li Stasyona Şîşhane û Xeta Funîkuler a F1 Taksîm-Kabataş ji saet 14.00’an û pêve girtî bin.

Şev wê 23’yemîn Meşa Şeva Femînîst bê lidarxistin. Jinan li dijî qedexeyan, diyar kirin ku ew ê rêyekî bibînin û bang li hemû jinan kirin ku di saet 19.30’an de li Siraselvîlerê kom bibin.