Jinên ku li Qada Îskele ya li navçeya Kadikoy a Stenbolê hatine ba hev, wê bi rengê kortejan bimeşin. Jin bi pêşengiya Platforma Jinan a 8’ê Adarê bi şîara “têkoşîna bi hev re” hatin ba hev.

Beriya kombûnê, polîsan hemû kolan û cadeyên Kadikoyê dorpêç kirin.

Di kortejê de pankarta “Em li dijî qirkirina jinê ber bi azadiyê ve dimeşin” hate hildan. Tevgera Jinên Azad (TJA), Meclîsa Jinan a Partiya Wekhevî û Demokrasiyê ya Gelan (DEM Partî) û Meclîsa Jinan a Partiya Herêmên Demokratîk (DBP) li ber avahiya DEM Partiyê ya li Kadikoyê kom bûn. Jin bi alên “Jin Jiyan Azadî” û erbaneyan dirûşmeya “Jin Jiyan Azadî” berz dikin.

Di heman demê de jinên ku ji cadeyên cuda yên Kadikoyê hatin ba hev, ber bi qadê ve meşiyan.