Komîteya Amadekar a Meşa Dirêj ji bo çalakiya ku wê di çarçoveya 'Azadî ji Rêber Apo re, çareserî ji pirsgirêka Kurd re' di navbera 10-14'ê Sibatê de ji Heilbronn heta Strasbourgê bê lidarxistin bang kir.

Daxuyanî bi vî rengî ye:

"Ji bo Meşa Dirêj tenê çend saet man ku wê di çarçoveya pêngava 'Azadî ji Rêber Apo re, çareserî ji pirsgirêka Kurd re' di 10'ê Sibatê de li bajarê Heilbronn ê Elmanyayê destpê bike. Ciwanên Kurdistanî û enternasyonalîst ên ji çar aliyên Ewropayê wê sibe li Heilbronnê li hev bicivin.

Têkoşîna li ser bingeha Pêngava Azadiyê hate meşandin bi pêşengiya ciwanan encamên gelekî cidî bi dest xist û gihîşt wê astê ku tecrîda mutleq a li Îmraliyê bişikîne. Bêguman armanca esasî ya ciwanan azadiya fîzîkî ya Rêber Apo ye.

Em ê bi meşa azadiyê ya Rêber Apo re bibin yek û vê çalakiya xwe bi azadiya fîzîkî ya Rêber Apo re bikin yek.

Komploya navneteweyî ya 15'ê Sibata 1999'an bi berxwedana Îmraliyê ya dîrokî ya Rêber Apo re pûç bû. Rêber Apo veguherî sembola hêviyên azadiyê. Em ciwan zanin ku azadiya Kurdistanê bi azadiya Rêber Apo dibe. Em ê bi rastiya Rêbertî re bibin yek, bi ruhê gihandina li Kurdistana azad çalakiya xwe pêk bînin.

Bi navê Komîteya Amadekar me amadekariyên xwe yên ji bo Meşa Dirêj temam kirin. Em bang li ciwanên Kurdistanî û enternasyonalîst ên li Ewropayê dikin ku bi ruhê seferberiyê beşdarî çalakiya me ya Meşa Dirêj bibin.

Rêgeha Meşa Dirêj bi vî rengî ıye

09.02.2025 / 10:00 – Kombûn – Landturmstrasse 4, 74080 Heilbronn

10.02.2025 / 08:00  – Roja destpêkê –  Heilbronn HBF
11.02.2025 / 08:00 – Roja 2'yemîn – Ludwigsburg  HBF
12.02.2025 / 08:00 – Roja 3'yemîn – Stuttgart HBF
13.02.2025 / 08:00 – Roja 4'emîn – Offenburg HBF
14.02.2025 / 08:00 – Roja 5'emîn – Golf Dietenbach Park Freiburg

Agahiyên li ser têkilîdanînê

E-mail: [email protected]
Instagram:@mesa.direj2025
Telegram: @mesadirej2025