Salvegera 5'an a qirkirina li Şengalê ya 3'yê Tebaxa 2014'an ku bi destê DAÎŞ'ê pêk hatî, li Hêwana Zana a li Qamişlo ji Komxebata Jinên Şengalî tê çêkirin.

125 delegeyên ji endamên saziyên jinan ên Bakur û Rojhilatê Sûriyê, şandeyên jinan ên ku ji Şengalê hatin, şervanên YPJ'ê û YJŞ'ê jî li komxebatê hazir in.

Destpêka Komxebatê Berdevka Kongra Star Evîn Siwêde axivî û got, ''Ev roja ku li ser jinên Şengalê sûcên gemarî hatin kirin û êşên mezin jiyan, ji bo hemû cîhanê rojeke tarî ye.''

Siwêd got, ''YPJ'ê gelek jinên Êzîdî rizgar kirin û jinan ji bo ku 3'yê Tebaxê dîsa dubare nebe, rêxistiniya xwe kirin û hêza xwe ya leşkerî danîn.''

Li Komxebatê wê mijara dîroka  Şengalê, rolsa jinên Şengalê û sedemên êrîşa li ser Şengalê, rola şervanên YPJ'ê û YJŞ'ê ya di rizgarkirina jinên Êzîdî de û rêxistniya jinan a ji bo dubarenebûna qirkirina 2014'an, xebatên jinan ên li Şengalê û astengiyên li ber jinan wê werin gotebêjkirin.