Ocalan diyar kir ku AKP têkçûna xwe amade dike û got: “Siberojên azad wê bi têkoşînê were.”

Parlementera HDP’ê ya Rihayê Dîlek Ocalan Nobeda Wijdan û Edaletê ji ANF’ê re nirxand.

Ocalan diyar kir, ligel ku dewlet asteng dike jî gel tên Nobeda wijdan û edaletê û got: “Wisa xuya dike ku banga me ya ji bo wijdan hinek kesan aciz dike û êrîşî mafên me yên herî meşrû û demokratîk dikin. Çi dixwazin? Em ji dêvila wijdan û edaletê bibiêjin kaos û şer?”

Ocalan diyar kir ku ne gel û ne jî HDP vê zilm û bêhiqûqiyê qebûl nake û ligel hemû astengiyan ew ê bi nobetên wijdan û edaletê bigihêjin armanca xwe.

‘7’Ê HEZÎRANÊ MÎLAD E’

Ocalan diyar kir ku ji bo HDP’ê 7’ê Hezîranê mîladek e û got: “Di 7’ê Hezîranê de me benda ji sedî 10 ya darbeya Evren derbas kir û bi 80 parlementeran me di parlementoyê de cihê xwe girt.”

Ocalan bibîr xist ku Erdogan û AKP’ê bi şer xwe li ser civakê ferz kirin û bi darê zorê xwe kirin desthilatdar û got: “Ji bo me betalkirina parlementeriya parlementerên me tu wateya xwe tune. Ya esas îradeya gel e.”

‘XWE DIXAPÎNIN’

Ocalan diyar kir ku HDP hemû rengên civakê temsîl dike û ji ber vê jî dibe hedefa êrîşên nîjadperest û got: “HDP partiya Tirkiyeyê ye, ya gelan e û ya herî girîng a jinan e. Tişta ku ku AKP herî zêde jê ditirse jî ev e. Ji ber ku azadbûna jinan tê wateya azadbûna civakê jî. Ew dixwazin civakeke îtaetkar û ya ku nasnameya xwe înkar dike biafirîne lê ev hewldaneke vala ye. Kesên ku dixwazin civakan bi paş ve bibin, xwe dixapînin.”

 ‘DESTHILATÊ BI DESTÊ XWE DAWIYA XWE ANÎ’

Ocalan a ku awayê siyaseta AKP’ê şibad ‘kamyoneke ku frena wê teqiyayî’ û wiha pêde çû: “Li Tirkiyeyê desthilata Erdogan/AKP’ê ya ku dixwaze faşîzmê bisazî bike bi dest xwe dawiya xwe anî”.Ocalan diyar kir ku di pêvajoya desthilata AKP’ê ya 15 salan de ku dixwaze civakê bike yekparêz, xwe kir yek û bi tenê ma, ji bo deshilta xwe biparêze bi rejîmekî bê Rewşa Awarte re rû bi rû mane.

‘EM Ê BI HEV RE ALA EDALETÊ BILIND BIKIN’

Ocalan a ku got: “Wê ew roj ji xwe wer in” ji bo ev roj derbas bibin divê her kes piştgirî bike û alîkariyê bike. Ocalan destnîşan kir ku nobeda ku îro HDP’ê lidar xistî weke tasek av a ruh dide mirovane û wiha got: “Êdî di vê civak li ser vê axa zûha û hişkbûyî avekê pêde berde û bi hev re tiştekî nû bidin şîn kirin.Berovajî vê wê pêvajoya tarîtiyê ji ser civakê bi dawî nebe. Em dikarin bi hev re wê tarîtî û moranê biçirînin; rojên ronî û siberojên azad wê bi teqez bi têkoşînê pêk were. Em bi vê zanabûn û dîrokê mezin bûne. Em di wê hêviyê de ne ku em ê bi civakê re ala edaletê bilind bikin. Weke HDP’ê nobeda ku me daye destpêkirin di aliyê gel de weke ‘erê’ dihesibînin û gel piştgiriya çalakiyê dike. Her çendî çapemeniya alîgir a şerê taybet bi propagandayên reşkirin û manîplasyonê bike jî bi ser nakeve.”

Parlemetera HDP’ê Dîlek Ocalan binî xet kir ku Nobeda Wijdan û Edaletê ne divê HDP û derdorên wê, hemû beşdên dibêjin em demokratin xwedî lê derkevin û got: “Heta ku em bi hev re têkoşînê bikin û bibin yek, em dikarin li pêşberî rejîma dîktator rawestin. Ji derveyî vê ti alternatîfekî me yê din nîne.”