Li gorî daneyên Platforma Em ê Kuştina Jinan Rawestînin meha Sibatê 30 jin  bi destê zilman ve hatin kuştin, li ser 19 jinan tundiya cinsî hate kirin, 14 zarok jî hatin îstîsmarkirin.

2015'an bi tevahî 303 jin hatin kutşin, ji 2016'an û vir  ev hijmar zêde bû û 328 jin hatin kuştin. Di meha pêşî ya salê de 37 jin hatin kuştin, di Sibatê de li ser 19 jinan tundiya zayendî hate kirin.

'LI MAL, DIBISTAN Û KARGEGAN TUNDIYA ZAYENDÎ'

Di meha Sibatê de tundiya zeyandî herî pir li malan, li qadên fermî, dibistan û kargehan pêk hat. Li Bursayê S.H a 34 salî dema ku diçû malê êrîşa zayendî bi ser de birin. Ji 19 jinên ku tundiya zayendî lê hatî kirin astengbar bû. Li Çorûm Iskilîpê ji ber sedema ku bi pereyan fihûş bi jieneke 22 salî ya astengbar hatiye kirin 4 kes ji hêla dadgehê ve hatin girtin.

Li gorî daneyên platformê jin herî pir ji bo ku dixwazin ji hevserê xew veqetin têne kutşin. Sibatê 17 jin ji hêla nasên wan; bav, bira, hevserê wan ve hatine kuştin, ji van jinan sedî 34 'ê wan ji hêla hevserên wan ve hatin kuştin.