Li bajarê Bologna ya Îtalyayê ji bo sê jinên şoreşger ên Kurd Sakîne Cansiz, Fîdan Dogan û Leyla Şaylemez meşek hate kirin. Meşa ku saziyên mîna UİKİ Onlus, Rete Kurdistan, Jineoloji İtalia, Rete Jin, Non Una Di Meno organîze kir, gelek sendîka û rêxistinên civaka sivîl destek kirin.

Di metna ji bo meşê hate belavkirinkirin de hate diyarkirin ku dewleta Tirk a dagiker berî her tiştî jinên şoreşger ên Kurd dikin hedef û got: “Li Rojava li her qada jiyanê sîstemeke ya azadiya jinê û xweparastinê hatiye avakirin û bi vê yekê derket holê ku civakek nû tê avakirin û mimkune ku mêrsalarî bê rakirin. Yek ji sedemê êrîş birina ser Şoreşa Rojava jî ev e.

Qetilkirina 3 jinên şoreşger ên Kurd ên li Parîsê dîsa qetilkirina Hevseroka Partiya Siberojê ya Sûriye Hevrîn Xelef û şervana YPJ’ê Amara Guneş jî ji vê tirsê tê.”

Herî dawî hate gotin ku ji mînaka jina têkoşer hêz û cesaretê dikgirin û got: “Dem hatiye ku em dengê şoreşê li kolanan belav û olan bidin.”

Li Bolognayê wê 11’ê Mijdarê li Pîazza XX. Settembre meşek bê kirin.